O equipo de profesionais de Mobles de Cociña San Fernando traballa estes días a todo ritmo na instalación do mobiliario e dos electrodomésticos nas cociñas de Casas do Amilladoiro. Sabemos que unha boa capacidade de almacenamento e unha boa distribución dos mobles son esenciais para que a cociña sexa un espazo no que poidas disfrutar preparando e compartindo os alimentos.

Pensando niso, os mobles das nosas cociñas incorporan o último en deseño, para configurar unha cociña funcional, práctica e moderna, pero tamén espaciosa. Os mobles están moi ben distribuidos, de xeito que crean unha zona cómoda e funcional de traballo e deixan espazo para unha mesa ampla e sillas, na que poder compartir eses ratos placenteiros da comida ou da cea.

A diferencia doutras promocións de vivendas, en Casangular entregamos as cociñas con todos os electrodomésticos para que dende o primeiro día a vida no teu novo fogar sexa cómoda e confortable.
As cociñas están equipadas con lavavaixelas, lavadora, frigorífico, microondas, forno, placa vitrocerámica, campana extractora e grifería monomando. Por razóns prácticas, o fregadero é dunha cubeta, unha opción que asegura unha maior superficie de traballo á hora de preparar os alimentos.

A encimeira é de cuarzo, con gran resistencia ás manchas e aos golpes, fabricada por Compac, unha das marcas de maior calidade e prestixio do mercado. www.compac.es.

Casangular entrégache a túa cociña completamente equipada, para que o día que estrenes o teu fogar ti somentes teñas que pensar con que receita vas sorprender á túa familia.

Mércores, 27 Xullo 2016

Novidades

Sempre baixo a nosa filosofía de construír fogares, en Casangular poñemos atención a cada detalle que asegure o benestar na túa casa, tamén nos baños, esas estancias que cada vez cobran máis protagonismo nas vivendas e cuxa decoración permite incontables posibilidades. Para a túa maior comodidade, entregamos os baños completamente equipados, a falta dos accesorios, para que optes polos materiais e deseños que sexan os teus favoritos.

Como características distintivas, os baños das nosas casas incorporan grifo hixiénico con monomando, para graduar a presión e temperatura da agua que sae mentres se realiza a hixiene. Xunto a él, está o prato de ducha que entregamos con mampara de porta corredera, de aluminio pulido e cristal.

O moble do baño, que pode ser en cor branca, wengé ou cinza, está pensado para favorecer o aproveitamento do espazo. Os sanitarios son de última xeración, con inodoro de tapa automática que se pecha soa; a grifería; as duchas impermeabilizadas con Sika e o radiador toalleiro en cor branca conforman unha estancia agradable, para que o tempo no baño sexa inspirador e de benestar.

Elegante?. Divertido?. Funcional?. Sofisticado?. Sexa cal sexa o estilo que máis che guste para o teu cuarto de baño, o certo é que vas ter innumerables oportunidades decorativas para convertilo nun espazo de benestar, partindo dun criterio básico de funcionalidade xa que é unha estancia que vai ser moi frecuentada e compartida por diferentes membros da familia.

Pensando nese universo de ideas que vas ter para personalizar este espazo, as paredes dos cuartos de baño das CasasdoAmilladoiro van revestidas con plaqueta de gres de primeira calidade de cor branca, para que harmonice co mobiliario, os accesorios e os elementos decorativos que elixas.

Agora falta que lle deas o teu toque persoal, sabendo que a decoración do teu cuarto de baño vai ter un gran impacto no teu estado emocional, así que non deixes que sexa neutro nin aburrido, pensa en elementos decorativos que provoquen emocións positivas. E disfruta del cada día.

Venres, 01 Xullo 2016

Novidades

Casangular ven de asinar con ABanca un préstamo hipotecario sobre CasasdoAmilladoiro, que permite a todos os compradores dunha das nosas vivendas financiar a operación por subrogación, coa finalidade de mellorar as condicións do contrato.

A opción de subrogar a hipoteca ten como primeira vantaxe un sustancial aforro nos custos de escritura da mesma. Por exemplo, para unha hipoteca libre de 85.000 euros, os custos de escritura poden rondar os 3.600 euros, mentres que os custos desa mesma hipoteca, por subrogación, redúcense a uns 1.110 euros.

Pero ademais desta vantaxe cuantitativa, a modalidade de subrogación supón outra cualitativa moi considerable xa que se trata “dun aforro directo e instantáneo", en palabras do director da oficina de Abanca no Milladoiro, Marcos Varela, un aforro que se produce no momento máis oportuno, cando as familias teñen que afrontar numerosos gastos derivados da adquisición da súa casa.

Esta operación suporá para os compradores dunha vivenda en CasasdoAmilladoiro unhas boas condicións xerais tanto nos prazos da hipoteca como nos tipos de interese. En calquera caso, ABanca adáptase ás circunstancias de cada cliente, baixo a premisa de que as subrogacións teñen que ser aprobadas polo comité de riscos designado pola entidade.

Se queres saber máis, podes pasar pola oficina de ABanca da avenida Rosalía de Castro 16 do Milladoiro, ou falar directamente co seu director, que está á túa disposición no teléfono 981531700 e na dirección de correo electrónico mvarela@abanca.com 

Xoves, 23 Xuño 2016

Novidades

Hoxe facemos unha visita ás obras para ver como van progresando e compartir neste espazo virtual algúns dos avances máis vistosos. E a verdade é que van vento en popa. O primeiro que chama a atención é que xa se intúe a calidez das vivendas. Hai estancias que empezan a parecerse ao que vai ser en outubro un fogar, porque estamos na fase de instalar elementos que reportan moita calidez, como son as portas.

O equipo de carpinteiros, están traballando estes días a tope na instalación das portas e dos armarios empotrados. En moitas das vivendas xa están colocadas as portas de acceso á casa. Son blindadas, de madeira de carballo con chapas de cinc, pechadura de seguridade de tres puntos e bisagras antipalanca, coas mellores prestacións de seguridade. As portas interiores son lisas e da mesma madeira. E os armarios empotrados levan portas lisas de madeira de carballo, forrado interior, caixons, baldas e colgador. Cómodos, con gran capacidade de organización e almacenamento.

Toda a carpintería das vivendas está fabricada por Maderas Ramos, unha empresa galega con sede no Polígono do Tambre, especializada en portas, tarimas e revestimentos, con máis de tres décadas de traxectoria http://maderasramos.es/

A madeira é un deses materiais que axuda a crear atmosfera de fogar. E iso é o que mellor sabemos facer en Casangular: crear fogares. Desde esta perspectiva, os clientes de CasasdoAmilladorio valoran moito ter a posibilidade de poder personalizar en obra, adaptar a casa ao seu gusto e ás súas necesidades, dentro do que técnicamente é posible e sempre respectando o interese xeral. Por exemplo, tiveron a oportunidade de personalizar tarima, carpintería interior, adaptar a cociña ou elexir o moble do baño en cor branca, wengé ou cinza.

Hoxe puxemos a mirada na carpintería. Pero pronto, falaremos dos baños, que están empezando a quedar chulísimos. Na medida que avanzan as obras, a transformación de vivenda a fogar é máis evidente. Pero nada será igual ata que cada familia ocupe o seu piso e viva a plenitude de instalarse nun espazo que, por primeira vez, se convertirá nun fogar.

É o privilexio de estrenar unha casa.

Martes, 07 Xuño 2016

Novidades